Musikalisasi Puisi

Basa Sunda

♫ Musikalisasi Puisi ♫

Lagu^{♫ Manuk Dadali~}

Cipt. Sambas Mangundikarta

Mesat ngapung luhur jauh di awang-awang
Meberkeun jangjangna bangun taya karingrang
Sukuna ranggaos reujeung pamatukna ngeluk
Ngapak mega bari hiberna tarik nyuruwuk

Saha anu bisa nyusul kana tandangna
Gandang jeung pertentang taya bandingannana
Dipikagimir dipikaserab ku sasama
Taya karempan kasieun leber wawanenna

Manuk Dadali manuk panggagahna
Perlambang sakti Indonesia Jaya
Manuk Dadali pangkakon carana
Resep ngahiji rukun sakabehna

Hirup sauyunan tara pahiri-hiri
Silih pikanyaah teu inggis bela pati
Manuk dadali ngandung siloka sinatria
Keur sakumna Bangsa di Nagara Indonesia

♫♫♫♫♫♫

Sajak

                                                               

Alam dunya

Nempatkeun tandangna

Alam dunya

Jadi saksina

Tuh, tingali langit biru

Dadali wegah ngalaju

Ngabentangkeun jangjangna

Sugan tacan laksana

Taya nu bisa

Ngabandinganana

Teu weleh panggagahna

Nembongkeun karukunan bangsa

Panceug mela bangsa

Moal eleh ku masa

Anu matak sangsara

Nyieun warga nalangsa

Bisa jadi urang teu sadar

Poho lantaran tambelar

Ka Pahlawan anu ngancik ‘na sanubari

Numenang ganjaran tur wangenan

Urang kudu isin

Kana sato anu ngbanggakeun

Bangsa kuat sarta rajin

Basa Pahlawan kaleungiteun

Manuk dadali

Anu ngandung siloka sinatria

Kokohna laju katenggang pati

Ngabela bangsa Indonesia

Manuk dadali

Bajoang keur lemah cai

Kukuna ranggoas

Si manuk pamungkas

Manuk dadali silih pikanyaah

Indonesia jadi endah

Bangsa barungah

Kabehna waregah

Rasana moal aya

Nu bisa hirup sauyunan

Cara dadali saubrukan

Dadali perlambang Nagara

Indonesia Jaya, anu merdeka, anu disahaja!!!